Higit 100 pang patay na alagang hayop, natagpuang itinapon sa iba't ibang lugar sa San Jose del Monte, Bulacan

Mahigit 100 pang patay na alagang hayop ang natagpuang itinapon sa iba't ibang lugar sa San Jose del Monte, Bulacan.

Sa ulat ni Bea Pinlac sa GMA News “24 Oras” nitong Miyerkules, natagpuan ang mga labi ng mga alagang hayop sa iba't ibang estado ng pagkabulok sa iba't ibang bahagi ng lungsod. Ang iba, inuuod na at nilalangaw.

“Most are too degraded and unidentifiable… we’re looking at probably around 120 bags or more,” sabi ni Chris Taylor, ang founder ng Luna and Furry Siblings Animal Welfare Rescue.

“One of the places that we suspect — they take from other vet clinics, other places, crematories that do not do their actual cremations. They contract out. So again, we’re not really sure,” dagdag niya.

Nakikipagtulungan na ang animal foundation sa National Bureau of Investigation (NBI) upang makuha ang mga labi ng mga alagang hayop.

“This is on, too large of a scale. We're going to need the city, CENRO (City Environment and Natural Resources Office) and public health out here, because it’s just too massive and we’re going to need too many people to search the whole area, so really, it’s just going to be a manpower issue,” ayon kay Taylor.

Nauna nang natuklasan ang unang tapunan ng mga patay na alagang hayop sa San Jose del Monte bago natagpuan ang panibagong lugar. Iniuugnay ang unang tapunan sa isang pet crematorium sa Bacoor, Cavite.

Ayon naman kay Philippine National Police (PNP) spokesperson Col. Allen Rae Co, susuriin muna ang komposisyon ng mga abo upang matukoy kung tunay na nagmula ang mga ito sa mga alagang hayop.

“Titingnan yung composition, is it really yung ash coming from pets, animals or baka hindi… It will be up to the owner, if they will want to be able to air their side… Kung wala naman po talaga siyang maling ginawa, face the music, give your side sa ating mga investigators… As of now what we can see is possibly estafa plus civil damages,” ayon kay Philippine National Police (PNP) spokesperson Col. Allen Rae Co. – Jean Mangaluz/FRJ GMA News