Piso, lumakas ng 50 sentimos at bumalik sa P62 level vs US$1

Bumawi ang halaga ng piso at muling tumungtong sa P62 level kada US dollar nitong Huwebes, isang araw matapos ang matagumpay na panalo ng Democratic Party sa midterm elections sa Amerika.

Sa kalakalan sa merkado nitong Huwebes, lumakas ang ng 56.5 sentimos at nagsara sa P62.97 kada dolyar, mula sa P63.535 nitong Miyerkules.

"The peso's sharp move to around the P62 level is largely a reflection of the post-US midterm repricing across global markets," ayon kay Union Bank of the Philippines chief Carlo Asuncion.

"The Democratic sweep has pushed oil and US Treasury yields lower and weakened the dollar, a combination that is particularly favorable for the Philippines as a net energy importer," Asuncion added.

Sa resulta ng midterm elections sa US, nakuha ng Democrats ang kontrol sa Senado at Kamara de Representantes na magsisimula sa Enero 2027.

Sinabi rin ni Rizal Commercial Banking Corp. chief economist Michael Ricafort, na inaasahan na, "markets bet that a Democratic sweep in the US midterm elections could accelerate efforts to end the war on Iran/Middle East."

Dagdag ni Asuncion, mabilis ang naging pag-angat ng piso kaya hindi kataka-takang magkaroon muna ng bahagyang paggalaw o pagsasaayos ng halaga nito sa mga susunod na araw.

Sinabi rin ng Union Bank chief economist na hindi gaanong pinansin ng mga mamumuhunan at iba pang market players ang mas mataas na inflation rate nitong Oktubre.— FRJ GMA News