Pagbaklas ng mga gamit sa opisina, dati nang gawain sa Senado, ayon sa staff ni Estrada

Nakasanayan at dati na umanong ginagawa sa Senado ang pagbabaklas ng mga fixture at iba pang materyales sa tanggapan ng isang senador na nababakante, ayon sa staff ni Senador Jinggoy Estrada.

Naglabas ng pahayag ang staff ni Estrada nitong Martes matapos kumalat online ang mga video na nagpapakitang halos walang natira sa kuwarto ng Senate President Pro Tempore na dating ginagamit ni Estrada.

Bukod sa mga fixture, binaklas din ang tiles at iba pang kagamitan sa opisina.

"It must also be emphasized that similar instances of dismantling fixtures and materials from a vacated senator's office have occurred in the recent past," saad sa pahayag.

"This is neither new nor unusual — it is an established and accepted practice within the institution, and singling out this particular transition for scrutiny is both unfair and misleading," dagdag nito.

Ayon sa tanggapan, ipinaalam ni Atty. Racquel Mejia, chief of staff ni Estrada, sa kasalukuyang Senate President Pro Tempore na si Vicente Sotto III, bago ang deadline na lisanin ang opisina sa Oktubre 5, 2026 na, “that the fixtures, furnishings, and materials in the office would be brought along to the Senator's new office."

"Most of these items (e.g. floor tiles, glass panels, lighting fixtures, cabinets etc.) were acquired using personal funds, as the budget provided by the Senate was insufficient to cover all the expenses incurred," sabi sa pahayag.

Idinagdag pa sa pahayag na ang muling paggamit sa mga materyales sa bagong opisina ay nagpapakita ng “prudence and efficiency, not controversy.” Naipaliwanag na rin umano nang buo ang usapin sa resident auditor ng Commission on Audit (COA).

Iginiit din ni Estrada na nang gamitin din umano niya ang naturang opisina, natagpuan din niya itong walang laman, at bahagi umano ito ng nakasanayang gawain sa Senado.

“It is also worth mentioning, in the spirit of full transparency, that the said vacated office, when it was turned over to Senator Estrada in 2022, was likewise bare, following this same long-standing practice. Standard practice ito sa Senado at hindi na dapat ikagulat pa o gawin pang isyu,” sabi pa sa pahayag.

“It must also be emphasized that similar instances of dismantling fixtures and materials from a vacated senator's office have occurred in the recent past,” patuloy nito.

Gayunman, pinalagan ni Senador Panfilo “Ping” Lacson ang pahayag na baglas at wala ring laman ang naturang opisina nang gamitin ni Estrada noong 2022.

“I take exception to the statement pertaining to the state or condition of the same Pro Tempore office that I turned over to Sen. Estrada in 2022. Nothing was removed nor destroyed, precisely because government funds were used when I refurbished it when it was turned over to me,” paliwanag ni Lacson sa post sa X.

Kasalukuyang nakadetine si Estrada sa Quezon City jail mula pa noong June matapos siyang ipaaresto ng Sandiganbayan Fifth Division dahil sa kasong plunder na walang piyansa.

Mula noon, hindi na nakadadalo sa sesyon ng Senado si Estrada.—FRJ GMA News